Aýyl sharýashylyǵy tehnıkasyn tirkeý arnaıy HQKO-larǵa beriledi

<p>ASTANA. KAZINFORM &ndash; Aýyl sharýashylyǵy tehnıkasyn tirkeý birtindep arnaıy halyqqa qyzmet kórsetý ortalyqtaryna beriledi. Bul týraly Aýyl sharýashyǵy vıtse-mınıstri Baǵlan Bekbaýov ortalyq kommýnıkatsııalar qyzmetinde ótken brıfıngide aıtty.</p>

«Aýyl sharýashylyǵy tehnıkasyn memlekettik tirkeý isine kelsek, traktorlar men kombaınderdiń, soqa jáne ózge de tehnıkanyń bári bólek aqparattyq júıede ázirlengen. Qazir Tsıfrlyq damý, ınnovatsııalar jáne aeroǵarysh ónerkásibi mınıstrligimen birge osyndaı tehnıkanyń túrin arnaıy halyqqa qyzmet kórsetý ortalyqtarǵa shyǵarsaq degen oıymyz bar», - dedi ol.

Vıtse-mınıstr bul ıdeıa Almaty jáne Qostanaı oblystarynda qanatqaqty joba retinde iske asyryla bastaǵanyn aıtady.

«Qazir mundaı jumys qanshalyqty tıimdi bolatynyn osy eki óńirde baqylap otyrmyz. Sátti bolsa, jyl aıaǵyna deıin nemese kelesi jyly osy tirkeý protsesin arnaıy halyqqa qyzmet kórsetý ortalyqtaryna birtindep bersek dep otyrmyz», - dedi Baǵlan Bekbaýov.