Aýyl sharýashylyǵy: sýbsıdııa berý sharttaryna ózgeris engizildi

<p>ASTANA. KAZINFORM - Aýyl sharýashylyǵy sýbsıdııalaryn&nbsp;alýshylar úshin 2025 jyldan bastap jańa qarsy mindettemeler engiziledi, dep habarlaıdy Joǵary aýdıtorlyq palatanyń baspasóz qyzmeti.&nbsp;</p>

Joǵary aýdıtorlyq palata nusqamasyn oryndaý aıasynda QR Aýyl sharýashylyǵy mınıstrligi memleketten sýbsıdııa alýshylarǵa qarsy mindettemeler engizý boıynsha jumys júrgizdi. Endi qoldaý qarjysyn alý naqty nátıjege qol jetkizýge tikeleı baılanysty bolady.

Mal sharýashylyǵyn damytýdy sýbsıdııalaý júıesindegi kemshilikter 2021 jyly Túrkistan oblysyna bólingen bıýdjet qarajatyn paıdalaný aýdıti barysynda anyqtaldy. Aýyl sharýashylyǵy mınıstrligine olardy joıý týraly tapsyrma berildi.

Nátıjesinde, bıyl 25 maýsymda sýbsıdııalaý qaǵıdalaryna aýyl sharýashylyǵy óndirýshileri úshin jańa qarsy mindettemelerdi engizýdi kózdeıtin ózgerister engizildi: AÓK aqshalaı mánde jalpy óniminiń ósýin qamtamasyz etý ne ótken jyl deńgeıinde saqtalýy.

Mindettemelerdi oryndaý deńgeıi sýbsıdııalaýdyń memlekettik aqparattyq júıesinde tirkeletin bolady. Olar 2 jyl qatarynan oryndalmaǵan jaǵdaıda, sýbsıdııa alýǵa jańa ótinim bere almaıdy.

Ózgerister 2025 jylǵy 1 qańtardan bastap qoldanysqa engiziledi. Ol ýaqytqa deıin, ıaǵnı 2024 jyly tıisti pılottyq jobany iske asyrý bastalady.