Aýyl sharýashylyǵy ósimdikteriniń genetıkalyq bankine «ulttyq» mártebe berilmek

<p>ASTANA. KAZINFORM &ndash; &laquo;Aýyl sharýashylyǵy ósimdikteriniń ulttyq gendik qory&raquo; respýblıkalyq memlekettik mekemesi qurylady. Bul jaıynda Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.</p>

«Aýyl sharýashylyǵy mınıstrligi Qazaqstan Respýblıkasynyń Aýyl sharýashylyǵy daqyldarynyń selektsııasy men tuqym sharýashylyǵyn damytýdyń 2024-2028 jyldarǵa arnalǵan keshendi jospary jobasyn ázirledi. Onyń aıasynda «Qazaq eginshilik jáne ósimdik sharýashylyǵy ǵylymı-zertteý ınstıtýty» JShS (budan ári – EÓǴZI) bazasynda «Aýyl sharýashylyǵy ósimdikteriniń ulttyq gendik qory» RMM qurý kózdelgen. Osy jumystyń aıasynda EÓǴZI aýyl sharýashylyǵy ósimdikteriniń genetıkalyq bankine «ulttyq» mártebesin berý, keıinnen ósimdik úlgileriniń kollektsııalaryn memlekettik tirkeýden ótkizý josparlanyp otyr»,- dedi Úkimet basshysy jaýabynda.

Onyń atap ótýinshe, elimizde selektsııa men tuqym sharýashylyǵyn damytý maqsatynda «Tuqym sharýashylyǵy týraly» Zańǵa «Tuqymdardyń ulttyq genetıkalyq banki» uǵymyn engizý, onyń jumys isteýiniń negizgi erejelerin aıqyndaý, tuqym sharýashylyǵy sýbektisiniń tizbesine engizý, sondaı-aq qyzmetin memlekettik bıýdjet esebinen qamtamasyz etýge jáne ony tuqym sharýashylyǵy salasyndaǵy memlekettik retteý quraly retinde paıdalanýǵa qatysty normany belgileý bóliginde túzetýler ázirlenip jatyr.