«Aýyl» partııasynyń eks-tóraǵasy Ǵanı Qalıev ómirden ótti

<p>ASTANA. KAZINFORM &ndash; Qazaqstandyq ǵalym, ekonomıka ǵylymdarynyń doktory, professor, Qazaqstan ǵylym akademııasynyń akademıgi, Qazaqstannyń eńbek sińirgen ǵylym qaıratkeri Ǵanı Qalıev 86 jasynda ómirden ótti.</p>

Ǵanı Qalıev elimizdiń saıası ómirine de belsendi aralasqan, QR Joǵarǵy keńesi men Parlament Májilisiniń depýtaty bolǵan. Sonymen qatar «Aýyl» partııasynyń eks-tóraǵasy.

Ol 1938 jyly jyly 19 shildede Jambyl oblysynyń Shý aýdanyna qarasty Belbasar aýylynda týǵan.

Eńbek jolyn Almaty halyq sharýashylyǵy ınstıtýtynda (qazirgi Qazaq ekonomıka ýnıversıteti) oqytýshy bolyp bastaǵan.

1968-84 jyldary Qazaqtyń aýyl sharýashylyq ekonomıkasy jáne ony uıymdastyrý ǵylymı-zertteý ınstıtýtynda aǵa ǵylymı qyzmetker, sektor, bólim meńgerýshisi, ınstıtýt dırektorynyń orynbasary, dırektory (1988-96);

1984-88 jyldary Qazaq qoı ósirý tehnologııa ǵylymı-zertteý ınstıtýtynyń dırektory;

1991-96 jyldary Qazaq aýyl sharýashylyq ǵylymdary akademııasynyń prezıdenti boldy.

1999 jyldan bastap Parlament Májilisiniń depýtaty atandy.

Onyń basshylyǵymen Agroónerkásiptik keshenniń Vedomstvoaralyq ǵylymı-tehnıkalyq keńesi qurylǵanyn atap ótken jón.