Aýyl mektepteri Ilon Mask ınternetine qosyla bastady

<p>Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Starlink ınternetine qosylǵan Aqmola mektebine bardy. Bul&nbsp;&mdash; áıgili Ilon Masktiń ınternet tartý jobasy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Jańa jyl qarsańynda Aqmola oblysyndaǵy Maıshuqyr aýylyna bardym. Mundaǵy jergilikti bilim ordasy elimizdegi 2000 aýyldyq mektepti ınternetke qosý jobasy aıasynda Starlink jelisine qosylǵan. Aýylǵa barǵanda ınternet sapasyn tekserdim, muǵalimdermen jáne oqýshylarmen kezdesip, sóılestim. Muǵalimder mektep Starlink ınternet jelisine qosylǵannan keıin zamanaýı oqý materıaldaryna qol jetkizgenin, bul balalardyń oqý protsesine oń áserin tıgizgenin aıtty», — dep jazdy Tsıfrlyq damý mınıstri óziniń Telegram paraqshasynda.

Mınıstr kez kelgen aqparatqa qoljetimdilik artqanda muǵalimder de óz sabaqtaryn barynsha tıimdi ótkizetinin, oqýshylar qajetti bilim berý resýrstaryna qol jetkizetinin aıtty.

«Bul oqýshylardyń tsıfrlyq saýatyn arttyrýǵa da kómektesedi. Sebebi ol qazirgi zamanda aıryqsha mańyzdy. Joǵary jyldamdyqty (shamamen 200 Mb/sek) jáne turaqty ınternetpen qamtamasyz etetin Starlink jelisi — aýyldyq jerde bilim berý tetigin jaqsartýdyń mańyzdy quraly. Bolashaqqa salynǵan bul ınvestıtsııa oqýshylardyń turǵylyqty jerine qaramastan, olarǵa teń bilim alý múmkindikterin usynady», — deıdi Baǵdat Mýsın.

Aıta keteıik, Aqmola oblysyndaǵy 270 mektepke Starlink ınterneti tartylady.