Aýyl halqynyń ortasha jyldyq sanynyń toqyraýy baıqalady
«Respýblıkada 6 286 aýyldyq eldi meken bar. Oonda 7,5 mln adam nemese respýblıka halqynyń jalpy sanynyń 38 paıyzy turady. Aýyl halqy demografııasy taldaýyna sáıkes, sońǵy 10 jylda aýyl halqynyń ortasha jyldyq sanynyń toqyraýy baıqalady. Qala halqynyń úlesi ósken kezde, aýyl halqynyń sany tabıǵı ósim (týý) esebinen bir deńgeıde qalýda», - dep atap ótedi Úkimet basshysy.
Premer-Mınıstr jaýabyna qosymsha berilgen anyqtamaǵa sáıkes, 2013 jyly Qazaqstan halqynyń sany – 16,9 mln adam, onyń ishinde aýyl halqy – 7,6 mln adam (45 paıyz), 2023 jyly – 19,7 mln adam, onyń ishinde aýyl halqy 7,5 mln adam (38 paıyz) bolǵan.
«Aýyldyq aýmaqtardy damytýdyń aǵymdaǵy jaı-kúıin aıqyndaý jáne memleket tarapynan iske asyrylatyn sharalardyń áserin baǵalaý, sondaı-aq olardy odan ári damytý jónindegi tásilderdi ázirleý úshin jyl saıyn 300-den astam kórsetkishti (ekonomıkalyq jáne demografııalyq kórsetkishter, áleýmettik, ınjenerlik jáne kólik ınfraqurylymyn damytý kórsetkishteri) qamtıtyn aýyldyq aýmaqtardyń áleýmettik-ekonomıkalyq damýyna monıtorıng júrgiziledi. Monıtorıng nátıjeleri boıynsha jyl saıyn damý áleýeti bar aýyldardyń tizimi jáne Óńirlik standarttar júıesine sáıkes aýyldyq eldi mekenniń ınfraqurylymmen qamtamasyz etilý deńgeıi aıqyndalady»,- dedi Oljas Bektenov.