Aýyl halqy kólik júrgizý emtıhanyn onlaın tapsyrýy múmkin

<p>ASTANA. KAZINFORM &ndash; Májilistiń jalpy otyrysynda depýtat Ekaterına Smyshlıaeva júrgizýshi kýáligin rásimdeý Іshki ister mınıstrliginen Tsırflyq damý, ınnovatsııalar jáne aeroǵarysh mınıstrligine ótkennen beri oblys ortalyǵynan qashyq jatqan eldi meken turǵyndarynyń emtıhan tapsyrýy qıyndap ketkenin másele etip kóterdi.</p>

Tsıfrlyq damý, ınnovatsııalar jáne aeroǵarysh mınıstri Jaslan Mádıev bul máseleni sheshý úshin atalǵan emtıhandardy onlaın qabyldaýdyń tásilderi ázirlenip jatqanyn aıtty. Onyń sózinshe, bul jerdegi eń negizgi másele onlaın emtıhan tapsyrýshynyń árbir áreketin qabyldaýshy taraptyń onlaın júıe arqyly tolyq kórip otyra alýyna tirelip tur.

«Búginde biz proktorıng tásilin qoldaný arqyly onlaın testileýdi qoldanysqa engizý máselesin qarastyryp jatyrmyz. Mundaı tetikter AQSh-ta, Ulybrıtanııa men Aýstralııada bar. Bul óte sezimtal másele bolǵandyqtan muqııat pysyqtaý kerek. Qazir ІT-kompanııalarmen birge computer vision dep atalatyn baqylaý júıesin engizýdiń joldaryn qarap jatyrmyz», - dedi mınıstr.

Іshki ister vıtse-mınıstri Marat Qojaev shynymen de qazir aýyldaǵy halyq júrgizýshi kýáligine emtıhan tapsyrý úshin oblys ortalyǵyna sabylyp júrgenin atap ótti.

«Bul jerde bizge aýdandyq mamandandyrylǵan halyqqa qyzmet kórsetý ortalyqtaryn onlaın emtıhan ótkizýge beretin qondyrǵylarmen jaraqtaý kerek dep oılaımyn», - dedi ol.