«Aýyl amanaty» jobasyna alǵash ret 1 trln teńge bólindi

<p>Búgin Májilistegi &laquo;AMANAT&raquo; partııasy fraktsııasynyń keńeıtilgen jıynynda depýtattar &laquo;Aýyl amanaty&raquo; jobasyn júzege asyrý jónindegi Úkimettiń 2023 jylǵy esebin tyńdady. Joba óz tıimdiligin kórsetýde. Búginde shamamen 80 mlrd teńge somasyna jyldyq mólsherlemesi 2,5%-dy quraıtyn 12,7 myń shaǵyn nesıe berildi.</p>

Sóz basynda Májilis spıkeri, «AMANAT» tóraǵasy Erlan Qoshanov aýyldy damytý máselesi Memleket basshysynyń erekshe baqylaýynda ekenin atap ótti. Osy oraıda, partııa qoǵamda keń qoldaý tapqan «Aýyl amanaty» jáne «Jer amanaty» syndy eki joba ázirledi. «Aýyl amanaty» jobasy – aýyldy damytýdyń jańa draıveri.

Jalpy alǵanda, 2029 jylǵa qaraı joba aıasynda 1 mln aýyl turǵynyn qamtyp, 350 myń jańa jumys ornyn ashý josparlanýda. Alǵash ret el tarıhynda atalǵan maqsatqa 1 trıllıon teńge kóleminde qomaqty qarajat bólindi.

«Aýyl amanaty» – Prezıdenttiń saılaýaldy baǵdarlamasyna engizilgen biregeı joba. Onda aýyl turǵyndarynyń turmysyn jaqsartýdyń naqty ári túsinikti tetikteri qarastyrylǵan. Eń bastysy, qarajaty tolyq sheshilgen. Bir jyldyń ishinde jobanyń tıimdiligin kórip otyrmyz. Barlyq memlekettik organdar men ákimdikter «Aýyl amanaty» jobasyn sapaly júzege asyrýǵa tıis. Negizgi mindet te osy bolýy kerek», – dedi ol.

Óz kezeginde, Premer-Mınıstrdiń orynbasary Tamara Dúısenova «Aýyl amanaty» jobasy aıasynda jumyspen qamtylǵan azamattar sanyn arttyrýǵa arnalǵan naqty josparmen bólisti.

Al Aýyl sharýashylyǵy mınıstri Aıdarbek Saparov fraktsııa múshelerin jobanyń negizgi kórsetkishteri týraly habardar etti. Otyrys barysynda beıne konferentsııa rejıminde birqatar óńirdiń ókilderi sóz alyp, jobany jergilikti jerde júzege asyrý máselesine qatysty pikir bildirdi.

Talqylaý barysynda Májilis spıkeri óńirler arasyndaǵy qarjylyq teńgerimsizdikke nazar aýdardy. Byltyr jalpy nesıe somasynyń 43,9 mlrd teńgesi Jambyl jáne Túrkistan oblystaryna berildi. Alaıda nebári 1 mıllıard teńge alǵan aımaqtar da bar. Erlan Qoshanov Úkimet iri aýyl sharýashylyǵy kooperatıvterin qurýǵa tıisti kóńil bólmeıtinin atap ótti.

Sondaı-aq, ol «AMANAT» partııasy janyndaǵy jobalyq keńse byltyr aýyl sharýashylyǵyndaǵy jekelegen salalardyń ekonomıkalyq baǵdary men damý áleýetin anyqtaý úshin 166 aýdanda, 16 shaǵyn qala men 2 260 aýyldyq okrýgte skrınıng júrgizgenin eske saldy. 

«Bolashaqta barlyq kem-ketikti eskerý qajet. Josparlanǵan kórsetkishterge qol jetkizý úshin aldaǵy kezeńde keminde jyl saıyn 50 myń jumys ornyn ashyp otyrýǵa tıispiz. Qaǵaz betindegi ádemi tsıfrlardyń qajeti joq dep sanaımyn. Bastysy – jumyssyz aýyl turǵyndaryn turaqty eńbekpen qamtý», – dedi Erlan Qoshanov.

Jıyndy qorytyndylaı kele, «AMANAT» Tóraǵasy joba aıasynda nesıe berýdi tsıfrlandyrý protsesin jedeldetýdi, mal satyp alý jáne tehnıkamen qamtamasyz etý máselelerin pysyqtaýdy, statıstıka derekterin biryńǵaı standartqa keltirýdi, sondaı-aq aýqymdy túsindirý jumysyn júrgizýdi tapsyrdy. «Aýyl amanaty» jobasyn júzege asyrý barysy partııa fraktsııasynyń erekshe baqylaýynda bolady.

Іs-shara aıasynda foıede Aýyl sharýashylyǵy mınıstrligi ázirlegen «Aýyl amanaty» aqparattyq júıesi tanystyryldy. Platforma «Aýyl amanaty» baǵdarlamasyna onlaın rejımde ótinish berýge jáne ol ótinishtiń jaı-kúıin baqylaýǵa múmkindik beredi. Búginde platforma qanatqaqty rejımde jumys isteıdi. Bıyl shildede platforma tolyq iske qosylady.

Sondaı-aq, fraktsııa músheleri «Aýyl amanaty» jobasy aıasynda óndirilgen aýyl sharýashylyǵy ónimderimen tanysty.