Aýǵanstannyń shyǵysynda jer silkinisinen alty adam mert boldy

KABÝL-SINЬHÝA. QazAqparat - Dúısenbi kúni Aýǵanstannyń shyǵysynda 5,3 ball qýatymen jer silkindi, delingen AQSh Geologııa qyzmetiniń saıtynda. Jergilikti tótenshe jaǵdaı vedomstvosy alty adamnyń qaza tapqanyn jáne toǵyz adamnyń zardap shekkenin málim etti, dep habarlaıdy QazAqparat Sınhýa agenttigine silteme jasap.

Kýnar provıntsııasynyń tabıǵı apattarǵa qarsy jáne gýmanıtarlyq máseleler jónindegi basqarma basshysy Ehsanýlla Ehsannyń aıtýynsha, jerasty dúmpýi provıntsııanyń batys bóliginde bolǵan. Qolda bar aqparatqa sáıkes, alty adam qaza taýyp, toǵyzy jaraqat alǵan jáne ondaǵan úı qıraǵan.

AQSh Geologııa qyzmetiniń málimeti boıynsha, jer silkinisi jergilikti ýaqyt boıynsha 02:27-de tirkelgen. Onyń epıtsentri – Nangarhar provıntsııasynyń ákimshilik ortalyǵynan soltústik-shyǵysqa qaraı 34 shaqyrym jerde, oshaǵy 10 shaqyrym tereńdikte ornalasqan.

Eske salaıyq, bıylǵy 22 maýsymda Aýǵanstannyń shyǵysynda qýatty jer silkinisi bolyp, 1 myńnan astam adam qaza tapty jáne 2 myńǵa jýyq adam zardap shegip, ondaǵan myń úı qırady.

Foto: cnbcfm.com