Aýǵanstannan kelgen oralman sottyń kómegimen qujattaryn aldy

TARAZ. QazAqparat - Sottyń basqa memlekettik organdarmen árekettestigi turǵyndardyń áleýmettik álsiz toptarynyń ózekti máselelerin tıimdi sheshý múmkindigin arttyryp otyr, dep habarlaıdy «QazAqparat» HAA tilshisi Jambyl oblystyq sotynyń baspasóz qyzmetine silteme jasap.

Aýǵanstanda týǵan, qazirgi kezde Baızaq aýdanynyń Sarykemer aýylynda turatyn Juma Ǵulam Sahı aýdandyq sottyń tóraǵasyna óziniń týystyq qatynastary boıynsha azamattyq isin adal qaraǵany úshin alǵys hat joldady.

2016 jyly Juma Ǵulam Sahı otbasymen birge Aýǵanstan Islam Respýblıkasynan Qazaqstanǵa kóship kelgen bolatyn. Oralman kýáligin alǵanmen, kóp ýaqyt balalaryna týý týraly kýálik ala almaı kelgen. Ata-ana men balalar arasyndaǵy týystyq qatynastarynyń zańdy deregin anyqtaý jóninde sotqa ótinish joldaǵan. Sottyń úkimi AHAT bóliminde ótinish berýshiniń máselesin sheshýge jaǵdaı jasaǵan, dep málimdedi Baızaq aýdandyq sotyndaǵylar. Hat avtory óz rızashylyǵyn Feısbýk arqyly da jarııalaǵan.

Qazaqstan Respýblıkasy Joǵarǵy sotynyń keńeıtilgen keńesinde Jambyl oblystyq sotynyń tóraǵasy Rústem Alshynbaev turǵyndardyń tulǵasyn rastaıtyn qujattaryn ala almaı júrgen áleýmettik álsiz toptaryn qujattandyrý taqyrybyn qozǵap, mundaı máseleler sottyń basqa memlekettik organdarmen árekettestigi arqyly tıimdi sheshýge bolatynyn aıtqan edi.