Aýǵanstannan kelgen qandastardyń azamattyǵyn rásimdeý qaralyp jatyr - Erlan Qarın

NUR-SULTAN. QazAqparat – Osydan 2 kún buryn elimizge Aýǵanstannan bir top qandas oraldy. Búginde olar karatınge jiberildi. Otandastarymyzdyń erteńine qatysty josparmen QR Prezıdentiniń kómekshisi Erlan Qarın bólisti, dep habarlaıdy QazAqparat tilshisi.

«Birinshi maqsat – Aýǵastannan kelgen qandastardyń densaýlyǵy men qaýipsizdigin qamtý. Sondyqtanda olar aldymen karantınge jiberildi. Sodan soń otandastarymyzdyń azamattyǵyn rásimdeý protsesi bastalady. Búginde ol úshin qajetti sheshimder qaralyp jatyr. Odan keıin tıisti jospar bar, sol boıynsha áreket etemiz», - dedi Erlan Qarın.

Sondaı-aq, Prezıdent kómekshisi qandastarymyzdy jumyspen qamtyp, balalaryna bilim berýdi uıymdastyrýda nazardan tys qalmaıtynyn aıtty.

Eske sala ketsek, 9 qyrkúıek kúni Qazaqstan Prezıdenti Qasym-Jomart Toqaevtyń tapsyrmasyna sáıkes Aýǵanstannan 35 qandas tarıhı otanyna oraldy.

Keıin belgili bolǵandaı Aýǵanstannan kelgen qandastardyń eshqaısynan koronavırýs tabylǵan joq.