Aýǵanstanǵa gýmanıtarlyq kómek tıelgen arnaıy reıs Astanadan shyǵyp, Almatyǵa jetti

<p>Aýǵanstannyń Gerat aımaǵynda bolǵan jer silkinisinen zardap shekkenderge gýmanıtarlyq kómek tıegen arnaıy reıs Astanadan ushyp shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Gýmanıtarlyq kómek tıegen Y8F200W ushaǵy Astanadan Almatyǵa ushyp shyqty.

«Búgin Aýǵanstan memleketinde bolǵan jer silkinisine baılanysty gýmanıtarlyq kómek tıep jatyrmyz. Qazir Astana qalasynan 1 tonna medıtsınalyq buıym men dári-dármek arttyq. Odan keıin Almaty qalasynan shatyrlar alyp, Shymkent qalasynan taǵy medıtsınalyq buıymdar men dári-dármek tıeımiz. Kelesi kúni osy gýmanıtarlyq kómektiń bárin Aýǵanstan memleketine jetkizemiz», - deıdi Ulttyq ulan áskerı bóliminiń avıatsııalyq jasaq komandıri Qurmanǵalı Topanov.

Eske salsaq, 7 qazan kúni Aýǵanstannyń batysyndaǵy Gerat provıntsııasyndaǵy 6,3 baldyq jer silkinisi saldarynan 2053 adam qaza taýyp, 9 myńnan astam adam jaraqat alǵan. 

Buǵan deıin Qazaqstannyń Aýǵanstanǵa gýmanıtarlyq kómek kórsetetini habarlanǵan edi. 

Gýmanıtarlyq kómek azyq-túlik taýarlary, shatyr, dári-dármek, kıim-keshek jáne basqa da qajetti zattardan turady.

Júktiń bir bóligi áýe jetkizilse, bir bóligi temirjol kóligimen jóneltiledi.

Sonymen qatar Aýǵanstanǵa úıindi astynda qalǵan adamdardy qutqarý úshin TJM qutqarýshylary, sonyń ishinde kınolog mamandar jiberiletini aıtyldy. 

Syrtqy ister mınıstrliginiń resmı ókili Aıbek Smadııarovtyń aıtýynsha, Aýǵanstandaǵy jer silkinisinen Qazaqstan azamattary zardap shekken joq.