Aýǵanstanǵa gýmanıtarlyq kómek: Arnaıy ushaq Almatydan Shymkentke attandy

<p>Aýǵanstannyń Gerat aımaǵyndaǵy jer silkinisinen zardap shekkenderge arnalǵan gýmanıtarlyq kómek Almatydan Shymkentke ushyp shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Astanadan 1 tonna medıtsınalyq dári-dármek alyp ushqan Y8F200W ushaǵy Almatyǵa qonyp, shatyr men dári-dármek tıep, Shymkentke bet aldy.

Ol jerden arnaıy reıs qosymsha dári-dármek toltyryp, erteń Aýǵanstannyń Gerat aýmaǵyna attanady.

Buǵan deıin gýmanıtarlyq kómek tıegen arnaıy reıs Astanadan Almatyǵa jetkenin habarlaǵan edik.

Eske salsaq, 7 qazan kúni Aýǵanstannyń batysyndaǵy Gerat provıntsııasyndaǵy 6,3 baldyq jer silkinisi saldarynan 2053 adam qaza taýyp, 9 myńnan astam adam jaraqat alǵan. 

Buǵan deıin Qazaqstannyń Aýǵanstanǵa gýmanıtarlyq kómek kórsetetini habarlanǵan edi.

Gýmanıtarlyq kómek azyq-túlik taýarlary, shatyr, dári-dármek, kıim-keshek jáne basqa da qajetti zattardan turady.

Júktiń bir bóligi áýe jetkizilse, bir bóligi temirjol kóligimen jóneltiledi.

Sonymen qatar Aýǵanstanǵa úıindi astynda qalǵan adamdardy qutqarý úshin TJM qutqarýshylary, sonyń ishinde kınolog mamandar jiberiletini aıtyldy.

Syrtqy ister mınıstrliginiń resmı ókili Aıbek Smadııarovtyń aıtýynsha, Aýǵanstandaǵy jer silkinisinen Qazaqstan azamattary zardap shekken joq.