Aýǵanstandaǵy jer silkinisinen 40-tan astam adam zardap shekti

ASTANA. QazAqparat - Juma kúni Aýǵanstannyń shekaralas aýdanynda oryn alǵan jer silkinisinen keıin Pákistannyń soltústik-shyǵysynda Peshavar qalasyndaǵy aýrýhanaǵa kem degende 41 adam tústi, dep habarlady dárigerler men qutqarýshylarǵa silteme jasaı otyryp, Dawn basylymy.

Aýǵanstanmen shekarada ornalasqan Haıber-Pahtýnhva provıntsııasynyń úkimeti jer silkinisinen keıin óńirge qaýiptiliktiń «qyzyl» deńgeıin engizdi. Bıliktiń jer dúmpýinen keıin birqatar eski ǵımarattar qıraǵanyn rastady. Eske sala keteıik, 6.2 balldyq jer silkinisi juma Tájikstan men Pákistan shekarasynda Aýǵanstannyń Badahshan provıntsııasynda oryn aldy, dep jazdy RIA Novostı. Sondaı-aq Tájikstanda, Pákistanda, Úndistanda, Qazaqstanda onyń jer asty dúmpýi sezildi.