Aýǵanstandaǵy sý tasqyny 17 adamnyń ómirin qıdy

ChARIKAR. SINЬHÝA-QazAqparat – Jeksenbide Aýǵanstannyń shyǵysyndaǵy Shınvarı okrýgindegi jáne Parvan provıntsııasyndaǵy irgeles aýyldardy basyp qalǵan sý tasqynynan kem degende 17 adam kóz jumdy, ondaǵan úıdi sý shaıyp ketti. Bul týraly dúısenbide okrýg basshysy Molla Han Muhammad málim etti, dep habarlaıdy Sınhýa agenttigine silteme jasap.

Sheneýniktiń aıtýynsha, jeksenbi kúni keshke tolassyz jaýǵan jańbyr saldarynan bolǵan sý tasqynynan Shınvarı okrýginde 13 adam jáne kórshiles Sıagýrd aýdanynda taǵy 4 adam kóz jumdy.

Ol birneshe jergilikti turǵynnyń habar-osharsyz ketkenin, qurbandar men materıaldyq shyǵyndardyń naqty sany áli anyqtalmaǵanyn aıtty.

Sońǵy aılarda Aýǵanstandaǵy nóser jańbyr men sý tasqyny saldarynan 200-den astam adam kóz jumdy, birneshe ondaǵan turǵyn zardap shekti.

Foto: 24.kz