Aýǵanstandaǵy Qazaqstan Elshisi dıplomattardyń qaýipsizdik deńgeıine baǵa berdi
Onyń sózine qaraǵanda, Aýǵanstan astanasynda lańkestik qaterdi eskere otyryp, Qazaqstan ókildiginiń qaýipsiz jumysyn qamtamasyz etý úshin tıisti sharalar qabyldanýda.
Prezıdentimiz, sondaı-aq bizdiń Úkimet qaýipsizdikke erekshe qamqorlyqpen qaraıtynyna toqtalǵan Elshi, Aýǵanstanda dıplomattarymyzdyń qaýipsizdigi shekarashylarymyzdyń ishki qarýly kúzeti kúshimen qamtamasyz etilgenin aıtty. Al syrtqy kúzet jergilikti polıtsııamen qamtylǵan.
Ó. Bitimovtiń aıtýynsha, Qazaqstannyń beıbitshil syrtqy saıasaty men barlyq eldermen jaqsy qatynastary qaýipsizdiktiń basty kepili bolyp tabylady.
«Bizde bul turǵyda esh qarama-qaıshylyq joq. Sondyqtan bul - eń basty kepildik», - dedi Elshi.
Osy rette ol dılomattar úshin tek Aýǵanstanda ǵana emes, sonymen qatar birqatar ózge de elderde jumys isteý qıyndaý ekenin atap ótti.
Aıta keteıik, Aýǵanstandaǵy ishki sası ahýal áli de shıelenisken jaǵdaıda, ıaǵnı «Talıban» qozǵalysynyń jandanýy qıyndyqtar týdyrýda. Munymen qosa, eldiń aýmaǵynda sońǵy kezderi «DAISh» toptary da paıda bolýda.