Aýǵanstandaǵy ushaq apatynan tórt adam aman qaldy

<p>ASTANA. KAZINFORM&nbsp;&mdash; Aldyn ala málimet boıynsha, Aýǵanstanda radardan joǵalyp ketken Falcon 10 ushaǵynyń bortynda bolǵan tórt adam tiri, taǵy ekeýine qatysty aqparat naqtylanyp jatyr, dep habarlaıdy <a href="https://tass.ru/proisshestviya/19779675" target="_blank" rel="noopener">TASS</a> aqparat agenttigi.</p>

«Reseıdiń Aýǵanstandaǵy elshiliginiń aqparatyna sáıkes jergilikti jerdegi izdestirý-qutqarý qyzmeti Falcon 10 ushaǵyn tapty. Ushaq bortyndaǵy alty adamnyń tórteýi tiri (olardyń ártúrli jaraqaty bar), eki adamnyń taǵdyry naqtylanyp jatyr», — dep habarlady vedomstvodan.

«Talıban» qozǵalysy qurǵan úkimet janyndaǵy Kólik jáne avıatsııa mınıstrligi bul aqparatty rastady.

«Іzdestirý-qutqarý toby keshe 20 qańtarda radardan joǵalǵan ushaqty tapty, onyń ishinde ushqyshty qosqanda tórt adam tiri», — delingen habarlamada.

Mınıstrliktiń naqtylaýynsha, tiri qalǵandardy izdeý jumystary jalǵasyp jatyr.

Eske sala ketsek, Máskeýge bet alǵan úndi kompanııasynyń ushaǵy Aýǵanstannyń soltústik-shyǵysynda apatqa ushyraǵanyn habarlaǵan edik.