Aýǵanstanda jer silkinisinen kóz jumǵandar sany myńnan asty

NUR-SULTAN. QazAqparat – Aýǵanstannyń Paktıka provıntsııasynda bolǵan qýatty jer silkinisinen qaza tapqandar sany kóbeıip jatyr, dep habarlaıdy QazAqparat Reuters-ke silteme jasap.

Agenttik taratqan habarlamaǵa sáıkes, tabıǵat apatynan 1 myńnan asa adam qaza tapqan. Qutqarý jumystarna baılanystyń úzilýi jáne joldyń nasharlyǵy keri áser etýde. Keıbir derekkózder zilzaladan buǵan qosa 1500 adam túrli jaraqat alǵanyn jazýda.

Eske sala keteıik, buǵan deıin Aýǵanstannyń ońtústik-shyǵysyndaǵy Paktıka provıntsııasynda bolǵan qýatty jer silkinisinen keminde 250 adam kóz jumyp, taǵy 150-ge jýyǵy jaraqat alǵanyn habarlaǵan bolatynbyz.

Qazaqstannyń Syrtqy ister mınıstrligi aýǵan halqyna kóńil aıtty.