Aýǵanstanda tyrysqaq aýrýynyń órshýinen Ózbekstan shekaradaǵy baqylaýdy kúsheıtti
Ózbekstannyń sanıtarlyq-epıdemıologııalyq salaýattylyǵy jáne qoǵamdyq densaýlyq saqtaý qyzmetiniń málimetinshe, BAQ-ta Aýǵanstannyń ońtústigindegi eki provıntsııada tyrysqaq órship, odan kúnine 40-qa jýyq adam qaıtys bolatyny týraly habarlama taraǵannan keıin shuǵyl sharalar kesheni qabyldandy.
«Shet memleketterden aýrýlar ákelýdiń aldyn alý maqsatynda búginde respýblıka boıynsha memlekettik shekaralardyń qıylysqan jerinde 54 sanıtarııalyq-karantındik pýnkt jumys istep tur. Onyń ishinde 36-y avtomagıstraldarda, 11-i halyqaralyq áýejaılarda, altaýy temirjolda jáne bireýi ózen portynda qurylǵan. Barlyq pýnkter Ózbekstan aýmaǵyna kelgenderdi medıtsınalyq-sanıtarlyq tekserý úshin teplovızorlarmen jáne termometrlermen qamtamasyz etilgen», - dedi SES-ten.
Vedomstvoda atap ótkendeı, ınfektsııalyq aýrýhanalarda, aýyz qýysyn regıdratatsııalaý pýnkterinde dıareıamen aýyratyn naýqastar tyrysqaqqa tekserilip jatyr. Ondaı naýqastardy aýrýhanaǵa jatqyzý maqsatynda emdeý-profılaktıkalyq oryndarynyń rezervi quryldy. Sonymen qatar ár apta saıyn tyrysqaq qozdyrǵyshtaryn anyqtaý úshin ashyq sý qoımalarynan sý synamalary alynady.
Foto: podrobno.uz