Aýǵanstanda teraktiden 5 sarbaz kóz jumdy
19:03, 02 Qańtar 2019
KABÝL. QazAqparat - Aýǵanstannyń Qandaǵar provıntsııasyndaǵy áskerı bazada jarylys boldy. Aýǵan polıtsııasynyń ókili Ashraf Vatandostyń sózinshe, jarylys saldarynan 5 sarbaz jantásilim etken, dep habarlaıdy QazAqparat Anadoly agenttigine silteme jasap.
Polıtseıdiń sózinshe, «Talıban» qozǵalysynyń jaýyngerleri Maıvand aýdanyndaǵy áskerı bazanyń astynan qazylǵan tonnelge jarylǵysh zat qoıǵan. Saldarynan 5 sarbaz qaza taýyp, alty jaýynger jaraqat aldy.
Al «Talıban» qozǵalysy jarylys qurbandary men jaralanǵandar sany 35-ke jetkenin málimdedi.