Aýǵanstanda talıbter Kandagar qalasyn basyp aldy – BAQ
08:29, 13 Tamyz 2021
NUR-SULTAN. QazAqparat – «Talıban» qozǵalysynyń sodyrlary Aýǵanstannyń mańyzdy ári iri qalalarynyń biri Kandagardy basyp alǵanyn málimdedi. Buǵan deıin tálipter Kabýl-Kandagar bas avtomagıstralinde ornalasqan strategııalyq mańyzdy qala Gaznıdi baqylaýǵa alǵan edi, dep habarlaıdy QazAqparat VVS aqparat agenttigine silteme jasap.
Táýelsiz derekkkózder qalanyń basyp alyný týraly aqparatty rastaǵan joq, alaıda áleýmettik jelilerde onyń kóshelerinde «Talıban» sodyrlary júrgen rolıkter paıda boldy.
Kandagardy basyp alý – «Talıban» úshin mańyzdy strategııalyq jeńis. Islamshylardyń Aýǵanstannyń basym bóligine ıelik etýi jalǵasyp jatyr. Búginde qaqtyǵystar taǵy bir iri qala Geratta bolyp jatyr.
Sársenbi kúni Pentagonda amerıkandyq azamattardyń evakýatsııalanýyn qamtamasyz etý úshin Kabýl áýejaıyna áskerıler jiberilgenin málimdedi.
Eske salsaq, buǵan deıin habarlanǵandaı «Talıban» qozǵalysy Aýǵanstan aýmaǵynyń 80 paıyzyn baqylaý alǵan. Sondaı-aq, BUU Aýǵanstandaǵy gýmanıtarlyq daǵdarys týraly eskertti.