Aýǵanstanda taǵy da kúshti jer silkinisi boldy

<p>Aýǵanstannyń Gerat provıntsııasynda 6,3 magnıtýdalyq úshinshi kúshti jer silkinisi boldy. Ondaǵan qurbandar bar, dep habarlaıdy <a href="https://www.inform.kz/" target="_blank" rel="noopener">Kazinform</a> <a href="https://ru.euronews.com/2023/10/15/afghanistan-more-quake" target="_blank" rel="noopener">euronews </a>arnasyna silteme jasap.</p>

Aýǵanstannyń soltústik-batysyndaǵy Gerat provıntsııasynda bolǵan 6,3 baldyq jer silkinisi saldarynan kem degende bir adam qaza taýyp, ondaǵan adam jaraqat aldy.

Odan keıin magnıtýdasy az eki dúmpý boldy.

Tótenshe jaǵdaılardy joıý jónindegi ulttyq bılik ókilderi jer silkinisiniń oshaǵyna jaqyn jerde qıraý dárejesin áli baǵalap jatqanyn aıtty.

Bul - Gerat provıntsııasynda sońǵy ýaqytta bolǵan úshinshi jer silkinisi.

7 qazanda jer asty dúmpýleri Dúnıejúzilik densaýlyq saqtaý uıymynyń málimeti boıynsha 1400-ge jýyq adamnyń ómirin qıdy.

11 qazandaǵy kezekti jer silkinisinen kem degende bir adam qaza taýyp, júzdegen adam jaraqat aldy.

Alǵashqy jer silkinisinen beri provıntsııanyń kóptegen turǵyndary úılerine qaıtýǵa qorqyp, shatyrlarda túnep jatyr.