Aýǵanstanda áıelderdiń bir-birimen sóılesýine tyıym salyndy

<p>&laquo;Talıban&raquo; qozǵalysynyń mınıstri Halıd Hanafı áıelderge tek erlermen ǵana emes, áıeldermen de ashyq sóılesýge tyıym saldy, dep habarlaıdy <a href="https://t.me/BILD_Russian/19540" target="_blank" rel="noopener">BILD </a>basylymy.</p>

Sonymen qatar, mınıstrdiń málimdemesine sáıkes, kámeletke tolǵan qyzdarǵa basqa kámeletke tolǵan qyzdardyń daýystaryn estýge tyıym salynady. Sondyqtan áıelder de basqa áıelderdiń aldynda Qurandy daýystap oqýdan aýlaq bolǵany jón.

BILD atap ótkendeı, 2021 jyldyń tamyzynda Aýǵanstanda tálipter bılikke kelgennen keıin eldegi áıelderge bilim alýǵa, er adamnyń erip júrýinsiz saıahattaýǵa jáne kópshilik aldynda, ásirese er adamdarmen sóılesýge tyıym salyndy. Olarǵa saıabaqtarǵa barýǵa, sýǵa túsýge nemese sportpen aınalysýǵa bolmaıdy. Sulýlyq salondaryna da tyıym salyndy. Áıelderge arnalǵan mekemeler jabylyp, «Áıelderge qatysty zorlyq-zombylyq týraly» zańnyń kúshi joıyldy.

Áıelder «ıslamǵa qaıshy minez-qulyq» úshin jıi jazaǵa tartylyp, túrmege jabylady.

Talıban buǵan deıin áıelderge qoǵamdyq oryndarda daýystap sóıleýge tyıym salǵan. Buǵan jaýap retinde aýǵan áıelderi án aıta bastady — áleýmettik jelilerde narazylyq pen kelispeýshilik belgisi retinde án aıtatyn trend paıda boldy.

Esterińizge sala keteıik, BUU Aýǵanstan áıelderinen barlyq shekteýlerdi alyp tastaýdy talap etken bolatyn.