Aýǵanstanda 4,6 baldyq jer silkinisi boldy

ALMATY. QazAqparat – QR Bilim jáne ǵylym mınıstrligine qarasty «Seısmologııalyq tájirıbe-ádistemelik ekspedıtsııasy» MM-niń seısmıkalyq stansalar jelisi 29 sáýir kúngi saǵat 11:57-de jer silkinisin tirkedi, dep habarlaıdy QazAqparat.

Jer silkinisiniń oshaǵy Almaty qalasynan ońtústik-batysqa qaraı 858 shaqyrym jerde, Aýǵanstan aýmaǵynda tirkelgen. MPV magnıtýdasy - 4.6. Tereńdigi - 160 shaqyrym. MSK-64 shkalasy boıynsha seziný týraly aqparat kelip túsken joq», - delingen stansanyń kezekshi operatorynyń habarlamasynda.