Aýǵanstan zına jasaǵan áıelderge taspen urý ádisin qaıta qoldanbaq

<p>KABÝL. KAZINFORM &ndash; &laquo;Talıban&raquo; qozǵalysynyń joǵarǵy kóshbasshysy Haıbatýlla Ahýnzada elde zına jasaǵany úshin áıelderdi jappaı dúre soǵý jáne taspen urý ádisteri qaıtarylatynyn habarlady. Bul týraly <a href="https://www.theguardian.com/global-development/2024/mar/28/taliban-edict-to-resume-stoning-women-to-death-met-with-horror" target="_blank" rel="noopener">The Guardian</a> jazdy.&nbsp;</p>

– Áıelderdi (qııanaty úshin) qamshymen sabap, taspen uramyz, - deıdi Ahýnzada.

«Talıban» qozǵalysynyń joǵarǵy kóshbasshysy mundaı ádisti áıel quqyǵynyń buzylýy dep sanaıtyndardy «shaıtannyń qyzmetshileri» dep atady.

– Siz muny áıelder quqyǵyn buzý dep ataı alýyńyz múmkin, óıtkeni bul sizdiń demokratııalyq prıntsıpterińizge qaıshy keledi, – deıdi ol.

Haıbatýlla Ahýnzada bul áreketin Talıbannyń Batys yqpalyna qarsy kúresiniń jalǵasy dep baǵalady.

– Talıbannyń jumysy Kabýldy basyp alýmen bitken joq, endi ǵana bastaldy, - deıdi «Talıban» qozǵalysynyń joǵarǵy kóshbasshysy.

Zańger ári Aýǵanstandaǵy «Áıelderdiń úmit aınasy» quqyq qorǵaý uıymynyń jetekshisi Safııa Arefıdiń aıtýynsha, bul málimdeme aýǵan áıelderin 1990 jyldardaǵy Talıban bıliginiń eń zulmat kúnderine qaıtarady. 

– Qazir aýǵan áıelderin qutqaratyn eshkim joq. Halyqaralyq qoǵamdastyq áıelder quqyǵynyń buzylýyna únsiz qarap turý jolyn tańdady, – deıdi Arefı.

Quqyq qorǵaýshylar eldegi 14 mıllıon áıel men qyzdardyń quqyqtary tolyqtaı joıyldy dep esepteıdi. 

Aýǵanstandaǵy Human Rights Watch uıymynyń málimetinshe, ótken jyldyń ózinde Talıban taǵaıyndaǵan sýdıalar 417 adamdy jappaı uryp-soǵýǵa jáne ólim jazasyna kesýge buıryq bergen. Olardyń 57-si áıelder.