Aýǵanstan jemqorlyqpen kúreste Qazaqstanmen birlesip áreket etýge nıetti

NUR-SULTAN. QazAqparat - Aýǵanstan elshiligi elimizdiń sybaılas jemqorlyqqa qarsy is-qımyl agenttigimen birlesip jumys isteýge shaqyrdy. Bul týraly Aýǵanstan Islam Respýblıkasynyń Qazaqstandaǵy elshiliginiń ýaqytsha senimdi ókili Omar Azızýllah málim etti, dep habarlaıdy QazAqparat tilshisi.

«Biz Qazaqstanǵa shahta jáne paıdaly qazbalardy óndirý boıynsha ınvestıtsııa usyna alamyz. Osy oraıda qazir halyqaralyq deńgeıde kelisimsharttar jasalyp jatyr. Sizderdiń sybaılaspen jemqorlyqqa qarsy is-qımyl agenttiginde ınvestıtsııa bólimi jumys isteıdi. Osy oraıda aýǵan jáne qazaq bıznesmenderine qatysty 37 másele boıynsha birlesip jumys isteýdi usynbaqpyz. Jáne jumys ashyq túrde júrýi úshin sizderge «elektrondyq úkimetti» qoldanýǵa keńes beremiz. Sondaı-aq, eki eldiń bıznesmenderi úshin senimdi saýda qarym-qatynasyn qurý ıdeıasy bar. Óıtkeni búginde aýǵanstandyq jáne qazaqstandyq bıznes ókilderiniń jumysyna kedergi keltiretin problemalardyń baryn aıta ketý kerek. Osy turǵyda sizderdiń agenttikterińizben birlesip Aýǵanstan men Qazaqstannyń arasynda áriptesttikti arttyryp, ınvestıtsııa tartýda birlesip jumys isteıtinimizge úmittenemiz- dedi O. Azızýllah.

Dıplomattyń aıtýynsha, Aýǵanstan men Qazaqstannyń saýda jáne ınvestıtsııa quıý salasynda úkimettik deńgeıde ekijaqty qarym-qatynasty damyta túsý áleýeti basym.

Buǵan deıin Aýǵanstan Elshiliginiń senimdi ókili Omar Azızýllah Qazaqstanda jemqorlyqpen kúres baǵytyndaǵy júrgizilip jatqan jumysqa qatysty óz oıymen bólisken bolatyn.