Aýǵanstan ýnıversıtetterinde erler men áıelder bólek oqıdy

KABÝL. QazAqparat – Tamyz aıynyń sońynda «Talıban» radıkaldy ıslam qozǵalysynyń basshylyǵy taǵaıyndaǵan Aýǵanstannyń joǵary bilim mınıstriniń mindetin atqarýshy Abdýl Bakı Hakkanı jeksenbi kúni Kabýldaǵy baspasóz máslıhatynda eldiń joǵary oqý oryndaryna arnalǵan qaǵıdalardy jarııalady, dep habarlaıdy QazAqparat DW-ǵa silteme jasap.

Osy qujatqa sáıkes, aýǵan ýnıversıtetterinde erler men áıelder bólek oqıdy. Bul jaǵdaıda stýdent qyzdarǵa sabaqty negizinen áıelder júrgizýi tıis. Áıelder aýdıtorııasyna er muǵalimderdiń sabaqa berýine ruqsat etiledi, tek olar sharıǵat zańdaryn ustanýy tıis. «Birlesken oqytý (erler men áıelder. - Red.) ıslam qaǵıdalaryna qaıshy keledi. Ekinshi jaǵynan, ol aýǵandardyń ulttyq qundylyǵy men dástúrinen alshaqtaıdy», - dedi Hakkanı. Ol sondaı-aq JOO-da bilim alatyndardyń kıim kııýinde qatań erejelerdi saqtaýy tıis ekenin habarlady. Sonymen, áıelder hıdjab kııýge mindetti.

Sonymen qatar, ýnıversıtetterde oqytylatyn pánder de qaıta qaralady dep otyr.