Aýǵanstan úkimetiniń basshysy qazaqstandyq bastamalardy qoldaıtyndyǵyn málimdedi

ASTANA. QazAqparat  - Qazaqstan Respýblıkasynyń Elshisi Álimhan Esengeldıev Aýǵanstan Islam Respýblıkasy Atqarýshy bıliginiń basshysy Abdýlla Abdýllamen kezdesti, dep habarlaıdy QR Syrtqy ister mınıstrliginiń baspasóz qyzmeti.

Júzdesý barysynda aýǵan úkimetiniń jetekshisi dostas jáne baýyrlas qazaqstandyq tarapqa, sondaı-aq jeke Prezıdent Nursultan Nazarbaevqa únemi qoldaýy úshin alǵysyn bildirdi. Ol Qazaqstan men Aýǵanstannyń ekijaqty yntymaqtastyǵy eki eldiń prezıdentteri arasynda jáne túrli halyqaralyq forýmdar sheńberindegi QR Premer-Mınıstri Baqytjan Saǵyntaevpen kezdesýlerdiń jemistiligine silteme jasaı otyryp, úkimetter deńgeıinde qalyptasqan senimdi qarym-qatynastarynda negizdelgendigin atap ótti.

 Sonymen qatar, A. Abdýlla Aýǵanstan aýmaǵynda beıbitshilik pen qaýipsizdiktiń qaıta ornyǵýyna baǵyttalǵan BUU Qaýipsizdik Keńesiniń turaqty emes múshesi retindegi qazaqstandyq bastamalardyń zor mańyzdylyǵyn basa aıtty. Ol 2018 jyldyń qańtar aıyndaǵy BUU QK delegatsııasynyń Kabýl qalasyna saparyna toqtalyp, jalpy Qazaqstannyń basqa da usynystary men bastamalaryn tolyqtaı qoldaıtyndyǵyn málimdedi.

  Á. Esengeldıev óz tarapynan Qazaqstannyń aýǵandyq retteý boıynsha barlyq halyqaralyq jáne óńirlik, onyń ishinde BUU, IYU, ShYU jáne taǵy basqa halyqaralyq forýmdar alańyndaǵy qoldaýyn jalǵastyrýǵa nıetti ekendigin rastady.   

 Qazaqstandyq dıplomat jumys oryndarynyń ashylýyna jaǵdaı jasaýdy, aýyl sharýashylyǵyn, ónerkásipti damytýdy, paıdaly qazbalardy óndirýdi retteýdi kózdeıtin ekonomıkalyq damý men qaýipsizdiktiń baılanysty bolýynyń mańyzdylyǵyn atap ótti.

Suhbattastar elder arasyndaǵy saýda-ekonomıkalyq qatynastardy ulǵaıtýdyń ózektiligimen jáne aýyl sharýashylyǵy, ónerkásip jáne taǵy basqa salalardy qosa otyryp, ekijaqty ózara qarym-qatynastardyń bar áleýetin qoldaný qajettiligimen kelisti.