Aýǵanstan,Túrkimenstan,Ázerbaıjan,Grýzııa kólik dálizin qurý máselesin Ashhabadta talqylady

ASTANA. QazAqparat - Keshe Túrkimenstan astanasy Ashhabad qalasynda kólik dálizin qurý maqsatynda Aýǵanstan, Túrkimenstan, Ázerbaıjan, Grýzııa memleketteri ókilderi bas qosqan tórtjaqty kezdesý bolyp ótti, dep habarlady trend.az saıty Túrkimenstan Úkimeti baspasóz qyzmeti taratqan aqparatqa silteme jasaı otyryp.

«Bul jobanynyń maqsaty - qatysýshy elderdiń jáne aımaqtaǵy memleketterdiń álemdik naryqqa shyǵýyna jańa múmkindik ashý. Joba Eýroazııa keńistigindegi saýda-ekonomıkalyq baılanystardyń belsendiligin arttyrady», delingen habarlamada.

Bul kezdesý Aýǵanstan úshin mańyzdy bolyp otyr, sebebi, joba onyń ekonomıkasyn jańǵyrtyp, aımaqtaǵy jáne halyqaralyq ınfrastrýktýralyq jobalarǵa qatyýsyna jol ashady. Osy oraıda Túrkimenstan buǵan deıin «Baký-Tbılısı-Kars» transporttyq jobasyna qyzyǵýshylyq tanytqan. Osy máselege qatysty Aýǵanstannyń Saýda jáne ónerkásip mınıstri Mohammed Shaker Kargar buǵan deıin tamyz aıynda Ashhabadqa kelgen saparynda Túrkimenstan tarapymen dál osy máseleni talqylaǵan bolatyn, dep jazady Ázerbaıjandyq aqparat kózi.

Aıta keteıik, ol joba boıynsha Qytaıdan Ortalyq Azııaǵa júk tasymaldaý úshin jańa temirjol jelisi salynady.