Aýǵanstan Reseı aımaqtaryna eńbek mıgranttaryn jibermek

<p>ASTANA. KAZINFORM &ndash; Aýǵanstan Sheshenstan men Tatarstanǵa eńbek mıgranttaryn jiberýdi josparlap otyr. Bul týraly aýǵandyq BAQ ókilderine Aýǵanstan Islam Ámirliginiń Eńbek jáne áleýmettik qatynastar mınıstriniń m.a. Abdýl Ýmarı Sankt-Peterbýrg halyqaralyq ekonomıkalyq forýmyna qatysý qorytyndylaryna arnalǵan brıfıng barysynda málimdedi.</p>

Aýǵanstannyń «Bahtar» memlekettik aqparat agenttiginiń habarlaýynsha, Abdýl Ýmarı óziniń saparyn sátti jáne jetistikterge toly dep atap, forým aıasynda aýǵandyq jumysshylardy jumysqa ornalastyrý jóninde ártúrli elderdiń resmı ókilderimen kelissózder júrgizgenin habarlady.

«Eńbek jáne halyqty áleýmettik qorǵaý mınıstriniń mindetin atqarýshy Reseıdiń Eńbek mınıstrimen áńgimelesip, aýyl sharýashylyǵy sektorynda, atap aıtqanda Sheshenstan men Tatarstanda aýǵan jumysshylarynyń jumyspen qamtylýyn qamtamasyz etý máselelerin jan-jaqty talqylady», - dep habarlaıdy agenttik saıty.

Dál osy másele Daǵystan jáne basqa da birqatar elder – Túrikmenstan men Oman ókilderimen de talqylandy. Aýǵan azamattarynyń jumysqa ornalasý múmkindigin qamtamasyz etý týraly kelisimge qol jetkizildi.