Aýǵanstan prezıdentin Astanadaǵy ShYU men IYU sammıtterine shaqyrdy
23:18, 27 Aqpan 2017
ASTANA. QazAqparat - Aýǵanstandaǵy Qazaqstan Elshisi Ómirtaı Bitimov Aýǵanstan Islam Respýblıkasynyń Prezıdenti Muhammad Ashraf Ǵanımen kezdesti jáne oǵan «Qazaqstan Respýblıkasy Táýelsizdiginiń 25 jyldyǵy» mereıtoılyq medalin, sondaı-aq Astanadaǵy Shanhaı yntymaqtastyq uıymy men Islam yntymaqtastyq uıymynyń ǵylym jáne tehnologııalar sammıterine shaqyrtýdy tabys etti.
QR SІM baspasóz qyzmetiniń málimetinshe, Ó.Bitimov Aýǵanstan basshysyn Qazaqstandaǵy úderister men Elbasynyń bastamalarymen tanystyrdy.
A. Ǵanı marapat úshin Qazaqstan Prezıdenti Nursultan Nazarbaevqa alǵys aıtty. Ol Aýǵanstannyń «Qazaqstan kóshbasshysynyń memleketti reformalaý, qazaqstandyq qoǵam ınstıtýttarynyń ary qaraı is-qımylyna baǵyttalǵan josparlaryn» qoldaıtyndyǵyn atap ótti.
Kezdesý barysynda Qazaqstan elshisi men Aýǵanstan Prezıdenti ekijaqty yntymaqtastyqtyń ózekti máselelerin talqylady.