Aýǵanstan azamattaryn shekaradan zańsyz ótkizý faktisi anaqtaldy - UQK

ASTANA. QazAqparat – Qazaqstan shekarasynan Aýǵanstan azamattaryn zańsyz ótkizý faktisi anyqtaldy, dep habarlaıdy QazAqparat UQK silteme jasap.

UQK Shekara qyzmeti Orta Azııa elderiniń biriniń jalǵan tólqujatyn usynǵan sheteldik azamatty 1,5 myń AQSh dollary somasyndaǵy aqshany alý kezinde ustady.

«Júrgizilgen tintý nátıjesinde birneshe qazaqstandyq uıymnyń mórleri, 20 aýǵandyq tólqujat, týý týraly kýálikter men QR azamattyǵy men elde turýǵa yqtııar hat alýǵa, tirkelýge jáne elde bolý merzimin uzartýǵa negiz bolatyn basqa da qujattar alyndy», - delingen habarlamada.

Atalǵan fakt qylmystyq belgileri boıynsha sotqa deıingi tergep-tekserýlerdiń biryńǵaı tizilimine QR QK 394-baby 1-bóligi (Zańsyz kóshi-qondy uıymdastyrý) boıynsha tirkeldi. Ustalǵan adam Almaty qalasy Polıtsııa departamentiniń ýaqytsha ustaý ızolıatoryna qamaldy.