Aýǵanstan arqyly júretin temir jol jobasy bastaldy

TAShKENT. ÓzA- QazAqparat - Aýǵanstan aýmaǵynda «Termız-Peshovar» temir jol qatynasyn ornatý jónindegi Ózbekstan, Pákistan jáne Aýǵanstannyń birlesken jobasynyń baǵyty men tehnıkalyq-ekonomıkalyq negizderin anyqtaý boıynsha ekspedıtsııa jumystary bastaldy. Bul týraly QazAqparat ÓzA silteme jasap habarlaıdy.

Dunyo aqparttyq agenttiginiń málimetinshe, «Termız – Mazarı-Sharıf – Kabýl – Peshavar» transaýǵan temir joly jobasynyń smetalyq quny 5 mıllıard dollardy quraıdy. Uzyndyǵy 600 shaqyrymdyq temirjol Ortalyq Azııa elderine Pákistannyń iri teńiz porttaryna jol ashady.

Joba tolyǵymen júzege asqan soń Pákistannan Ózbekstanǵa júk tasymaldaý 35 kún emes, 3-5 kúnge sozylady jáne bir standartty júk konteınerin tasymaldaý quny úsh esege jýyq tómendeıdi dep kútilýde.

Bul rette bul baǵyt boıynsha júk tasymaldaý kólemi 10 mıllıon tonnaǵa jetýi múmkin.