TAShKENT. KAZINFORM – Ózbekstan Aýǵanstannyń ýaqytsha úkimetimen júk tasymaldaýshylardan alynatyn tólem somasyn tómendetýdi kózdeıtin kelisim jasady, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstannyń Kólik mınıstrliginen málim etkendeı, Ózbekstanda tirkelgen júk kóliginen Aýǵanstan aýmaǵyna kirgeni úshin alynatyn tólem 3,5 myń afganıge (shamamen $53) tómendeıdi. Osy ýaqytqa deıin ol 5 myń afganı ($76) shamasynda bolǵan edi.
Buǵan qosa, Ámýdarııa arqyly ótetin «Dostyq» kópirimen júrý aqysy 12 myń afganıden ($182) 7 myń afganıge ($106) deıin arzandaıdy.
Osylaısha, Aýǵanstanǵa taýar tasymaldaıtyn nemese tranzıtpen ótetin ózbekstandyq júk kólikteriniń júrgizýshileri jalpy somasy 6,5 myń afganı ($99) únemdeıdi.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.