Aýǵanstan Amýdarııa basseıninen munaı óndirýdi kózdep otyr

<p>ASTANA. KAZINFORM &ndash; Aýǵanstan Amýdarııa basseıninde 25 jańa munaı uńǵymasyn ashýdy josparlap otyr, bul aýdandaǵy táýliktik munaı óndirýdi 3 myń tonnaǵa deıin arttyrýǵa múmkindik beredi, dep jazady <a href="https://tolonews.com/index.php/business-191282" target="_blank" rel="noopener">TOLOnews</a>.</p>

Aýǵanstannyń Taý-ken ónerkásibi jáne munaı mınıstrliginiń málimetinshe, qazir bul jerlerde 24 uńǵyma jumys istep jatyr, olardan táýligine 1,3 myń tonna munaı alynady.

Jergilikti sarapshylar bılikke naqty ári proportsıonaldy jospar negizinde jańa uńǵymalardy qazyp, óndirilgen munaıdy óńdeýge ınvestorlar tartýdy usynyp otyr.

– Aýǵanstanda áleýetti baı tabıǵı resýrstar bar, biraq, ókinishke qaraı, bizde bul resýrstardy óńdeıtin zamanaýı qural-jabdyqtar joq, – deıdi ekonomıkalyq sarapshy Abdýl Zahýr Madaber.

Ol sondaı-aq, óńdeý jabdyqtaryn ımporttaýda basqa eldermen yntymaqtasý qajettigin basa aıtty.

– Tabıǵı resýrstardy óndirý jáne óńdeý, jańa jumys oryndaryn ashý – Aýǵanstandaǵy ınflıatsııanyń tómendeýine oń áser etýi múmkin, – deıdi táýelsiz ekonomıst Mohammad Asıf Stanekzaı.

Taý-ken jáne munaı mınıstrliginiń statıstıkasy boıynsha, qazir Aýǵanstannyń munaıǵa degen qajettiliginiń tek 10 paıyzy ǵana ishki kózderden qamtamasyz etilgen.