Áýejaılardaǵy traptar men janarmaı quıý tehnıkalarynyń kóbi eskirgen – Premer-Mınıstr
«Azamattyq avıatsııa salasynda kúrmeýi sheshilmegen problemalar da az emes. Atap aıtqanda, elimizdiń keıbir áýejaılarynda ushý-qoný jolaqtaryna jóndeý júrgizý kerek. Traptar men janarmaı quıý mashınalary sııaqty arnaıy tehnıkalardyń kóbi eskirgen», - dep toqtaldy Álıhan Smaıylov.
Premer-Mınıstr halyqaralyq marshrýttardy keńeıtý basqa eldermen saýda-ekonomıkalyq, ınvestıtsııalyq, týrıstik jáne mádenı yntymaqtastyqty odan ári damytýǵa yqpal etetinin atap ótti.
«Pandemııadan keıin elimizdiń azamattyq avıatsııasy damýdyń jańa kezeńin bastady. Jolaýshylar sany artyp keledi. Burynǵy reıster qalpyna kele bastady. Jańa baǵyttar ashylýda. Tek bıyldyń ózinde 8 halyqaralyq marshrýt iske qosylady. 2025 jylǵa qaraı álemniń 17 qalasyna, sonyń ishinde Nıý-Iork, Jeneva, Sıngapýr, Vena, Parıj qalalaryna reıster ashylady», - dedi Úkimet basshysy Álıhan Smaıylov.