Áýeden sanaq: Úsh óńirde kıik esebi aıaqtaldy

NUR-SULTAN. QazAqparat - Qazaqstanda el aýmaǵyndaǵy kıikter sanyn anyqtaý úshin áýeden esep júrgizý jumystary jalǵasýda. Bul týraly Ekologııa, geologııa jáne tabıǵı resýrstar mınıstrliginen málim etti, dep habarlaıdy QazAqparat.

«Esterińizge sala keteıik, 2020 jyly karantındik shekteýlerge baılanysty áýe esebi júrgizilmeı qalǵan bolatyn.

Áýeden esepti «Ohotzooprom» RMQK qyzmetkerleri, orman sharýashylyǵy jáne janýarlar dúnıesi komıtetiniń oblystyq aýmaqtyq ınspektsııasy jáne Qazaqstandaǵy bıoalýantúrlilikti saqtaý qaýymdastyǵynyń ǵylymı mamandary birlesip júrgizýde», - dedi mınıstrlikten.

Málim etilgendeı, kıik esebine Ohotzooprom ınspektorlarynyń eki toby jumyldyrylǵan. Olardyń birinshisi – Betpaqdala popýlıatsııasyna, ekinshisi – Oral jáne Ústirt popýlıatsııalaryna sanaq júrgizedi. Osy maqsatta tikushaqpen 200-ge jýyq ushý saǵatyn oryndaý josparlanǵan.

«2019 jyly júrgizilgen esepke alý jumystaryna sáıkes Qazaqstandaǵy kıikterdiń sany 334 400 basty qurady.

Osy kezeńde aqbókenderdiń áýe esebi Batys Qazaqstan, Aqtóbe jáne Mańǵystaý oblystarynda (Oral jáne Ústirt taralymy) aıaqtaldy jáne Betpaqdala popýlıatsııasyn esepke alý boıynsha Qaraǵandy, Aqmola oblystarynyń aýmaqtarynda jalǵasýda.

Kıikterdiń áýe esebin 2021 jyldyń 5 mamyryna deıin aıaqtaý josparlanýda», - dep qosty vedomstvodan.