Áýe reısterimen keletin qazaqstandyqtarǵa qosymsha shekteýler engizilmek

NUR-SULTAN. QazAqparat - QR Kóliktegi bas memlekettik sanıtar dáriger Sadýaqas Baıǵabylov halyqaralyq áýe reısterine qosymsha engiziletin karantındik shekteýlerge qatysty túsinikteme berdi, dep habarlaıdy QazAqparat tilshisi.

«Osy jyldyń 26 qazanynan bastap Qazaqstanǵa halyqaralyq áýe reısterimen keletin barlyq jolaýshylarda, onyń ishinde Qazaqstan azamattarynda memlekettik shekarany kesip ótkenge deıin 72 saǵattan artyq emes ýaqytta PTR ádisimen COVID-19-ǵa arnalǵan test ótkeni týraly anyqtama bolýy kerek. Aıta keterligi, 5 jasqa deıingi balalar PTR saraptama anyqtamasynan bosatylady. Osyǵan oraı shetelge baryp kelýdi josparlanǵan nemese qazirgi ýaqytta shetelde júrgen qazaqstandyqtar osy talapty eskerýi qajet», - dedi Sadýaqas Baıǵabylov.