Áýe reısteri: Koronavırýsqa qatysty qaı elder ekinshi sanatqa jatqyzyldy

NUR-SULTAN. QazAqparat – Halyqaralyq áýe reısterimen keletin jolaýshylar koronavırýs indetine qatysty sanatqa jiktelip, tıisti shekteý sharalary eskerilgen, dep habarlaıdy QazAqparat tilshisi.

Atap aıtqanda, І sanatqa engizilgen Qytaı, Taıland, Mońǵolııa, Malaızııa, Mysyr, Gonkong, Ońtústik Koreıa, Japonııa, Sıngapýr, Germanııa, Belarýs, Ázerbaıjan elderinen kelgender termometrııa men saýalnamadan ótedi.

Al ІІ sanatqa jatatyn Shveıtsarııa, Ulybrıtanııa, Polsha, Italııa, Majarstan, Aýstrııa, Nıderland, Shvetsııa, Rýmynııa, Chehııa, Grekııa, Túrkııa, BAÁ, Saýd Arabııasy, Úndistan, Armenııa, Reseı, Ózbekstan, Ýkraına, Qyrǵyzstan, Tájikstan termometrııa men saýalnamadan ótedi. Budan buryn habarlanǵandaı, ekinshi sanatqa 21 el engizildi. Osy elderden saparlap kelgender termometrııa men anketalaýdan bólek, PTR ádisimen zerthanalyq tekserýdiń teris nátıjesi bar COVID-19-ǵa tekserilgeni týraly anyqtama usynýy kerek.

Aıta keteıik, búgin Kóliktegi memlekettik bas sanıtarlyq dáriger Sádýaqas Baıǵabylov 2 sanattaǵy elderden Qazaqstanǵa halyqaralyq áýe reısterimen keletin qazaqstandyqtar men sheteldikter úshin qazannyń birinshi onkúndiginde COVID-19 boıynsha jańa talaptardy engizýge qatysty túsinik berdi.