Áýe qatynasy qalpyna keltirilýde, birneshe reıs oryndaldy
«Eır Astana»: - Nur-Sultan-Dýbaı 20.00-22.50 - Dýbaı-Nur-Sultan 24.00-06.35 - Nur-Sultan-Máskeý 22.10-22.55 - Máskeý-Nur-Sultan 00.00-06.25+1 - Nur-Sultan-Frankfýrt 15.00-16.20 - Frankfýrt-Nur-Sultan 19.45-06.20 - Nur-Sultan-Atyraý 15: 30-17.05 - Atyraý-Nur-Sultan 18: 00-21.10 «FlyArystan»: - Nur-Sultan-Qyzylorda 12.50-13.35 - Qyzylorda-Nur-Sultan 15.05-17.30 - Nur-Sultan-Shymkent 11.30-13.20 - Shymkent-Nur-Sultan 14.50-16.35 - Nur-Sultan-Kýtaısı 13.30-15.15 - Kýtaısı-Nur-Sultan 16.15-21.40. Jergilikti ýaqyt. «Eır Astana» áýekompanııasy ınternet jelisine qoljetimdilikti ishinara qalpyna keltirý jáne brondaý júıesiniń jumysy arqasynda halyqaralyq jáne ishki reısterdi kezeń-kezeńimen qalpyna keltirýdi bastady. Jolaýshylarǵa yńǵaıly bolý úshin jaqyn arada jaǵdaıdyń qalpyna kelýine qaraı «Eır Astana» áýe kompanııasynyń call-ortalyǵynyń jumysyn qaıta bastaý josparlanýda. Oryndalatyn reısterdiń jolaýshylaryna eskertýler jiberiledi. Aıta keteıik, komendanttyq saǵat ýaqytynda keletin jolaýshylarǵa qala boıynsha júrý úshin ózimen birge jeke kýáligi nemese tólqujat jáne otyrǵyzý talony bolýy qajet. «Eır Astana» áýekompanııasy ınternetke qosylý tolyq qalpyna keltirilip, jaǵdaı turaqtalǵannan keıin toqtatylǵan reısterge bılet qunyn satyp alý ornynda tolyq qaıtarady.
Sonymen birge, 2022 jylǵy 8 qańtarda Qazaqstan Respýblıkasynyń Vengrııadaǵy Elshiliginiń kómegimen Býdapesht – Nur-Sultan – Býdapesht baǵyty boıynsha Vengrııanyń «Wizz Air» áýe kompanııasynyń reısi qalpyna keltirildi. Wizz Air áýekompanııasynyń reısterine bıletterdi áýe kompanııasynyń veb-saıtynda satyp alýǵa bolady.