Aýdıtorııany fýnktsıonaldy saýattylyqqa úıretý kerek – vıtse-mınıstr

ALMATY. QazAqparat – Qazirgi tańda medıaqoǵamdastyqtyń aldynda óz aýdıtorııasyn fýnktsıonaldy saýattylyqqa úıretý mindeti tur. Bul týraly QR Aqparat jáne qoǵamdyq damý vıtse-mınıstri Aleksandr Danılov І Kreatıvti ındýstrııalar aptalyǵy barysynda aıtty, dep habarlaıdy QazAqparat tilshisi.

«Medıaqoǵamdastyq úshin mańyzdy mindettiń biri – aýdıtorııasyn fýnktsıonaldy saýattylyqqa úıretý. Sebebi, aqparat quraldary kóbeıgen qazirgi ýaqytta jalǵan aqparattardyń kóbeıý qaýpi da bar. Mysaly, búginde túrli saıttarda fıshıngterdi kóremiz. Feıkter – odan da qaýipti. Bularǵa beıjaı qaraýǵa bolmaıdy. Osyǵan oraı, aýdıtorııany fýnktsıonaldy saýattylyqqa qalaı úıretýdi oılaǵanymyz durys. Sebebi, bul qoǵamǵa tóngen úlken qaýip», - dedi Aleksandr Danılov.

Ol sondaı-aq medıa men PR-mamandardy yqpaldastyqta jumys isteýge shaqyrdy.

«Qazaqstandyq medıany bıznespen teńeýge bolmaıdy. Sebebi, onda tıimsiz jobalar kóp. Qazirgi ýaqytta adamdar medıadan góri PR-ǵa baryp, jaqsy tabys taýyp, jaqsy ómir súre alady. Sondyqtan bizge kollaboratsııa qajet. ıAǵnı, qazir bizge myqty mamandarmen birge jumys jasaǵanymyz durys», - dedi Aqparat jáne qoǵamdyq damý vıtse-mınıstri.

Eske salaıyq, Almatyda І Kreatıvti ındýstrııalar aptalyǵy ótýde.