Aýdıtor býhgalterlerdi paıdalanylǵan zattardy satýǵa májbúr etken - Antıkor

NUR-SULTAN. QazAqparat – Qyzylorda oblysynyń sybaılas jemqorlyqqa qarsy qyzmeti aýdıtorlyq tekserý júrgizý barysynda birneshe ret para alǵany úshin ishki memlekettik aýdıt departamentiniń bólim basshysy men bas maman-memlekettik aýdıtoryna qatysty sotqa deıingi tergep-tekserý jumystaryn júrgizip jatyr. Bul týraly Sybaılas jemqorlyqqa qarsy is-qımyl agenttigi málim etti, dep habarlaıdy QazAqparat.

«Aýdıtorlyq tekserý júrgizý kezinde atalǵan tulǵalar ózderiniń laýazymdyq ókilettikterin asyra paıdalana otyryp, «Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasy» MM-ne baǵynysty mekeme býhgalterlerinen kıilgen kıimderdi (palto, kúrteshe, oramal) kóterińki baǵamen ótkizýdi talap etip, satýdan túsken 456 000 teńge aqshalaı qarajatty óz qaltasyna alǵandyǵy da anyqtaldy», - delingen Agenttik habarlamasynda.

Ózge aqparattar tergeý múddesinde jarııa etýge jatpaıdy.

Aıta ketsek, Antıkordyń jalǵan qyzmetkeri Kaspıı jaǵalaýynan jer telimin talap etkeni áshkerelengen bolatyn.