Aýdıt: 139 mlrd teńge somasynda qarjylyq buzýshylyqtar anyqtaldy

NUR-SULTAN. QazAqparat – Aýdıt arqyly 1 trln 340 mlrd teńge bıýdjet qarajaty qamtyldy. Bul týraly Úkimet otyrysynda bıylǵy jeti aıdaǵy áleýmettik-ekonomıkalyq damýdy talqylaý kezinde Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Aǵymdaǵy jylǵy 7 aıdyń ishinde kameraldyq baqylaýmen somasy 4,9 trln teńgege 583 myń memlekettik satyp alý rásimi qamtyldy. Tekserý qorytyndylary boıynsha 17 myń rásim boıynsha buzýshylyqtar anyqtaldy. Memlekettik aýdıt obektileri ereje buzýshylyqtardy joıý týraly 16,5 myń habarlamany oryndady. 1 978 aýdıtorlyq is-shara ótkizildi. Aýdıtpen 1 trln 340 mlrd teńge bıýdjet qarajaty qamtyldy. 139 mlrd teńge somasynda qarjylyq buzýshylyqtar anyqtaldy», - dedi E. Jamaýbaev.

Onyń aıtýynsha, taýarlardy jetkizýmen, qyzmetterdi kórsetýmen jáne jumystardy oryndaýmen qalpyna keltirý, bıýdjetke óteý jáne esepte kórsetý jolymen 90 mlrd teńgege talaptardy buzýshylyqtar joıyldy. Aýdıt obektileri qyzmetin jetildirý jáne tıimdiligin arttyrý úshin 1 775 usynym berildi.