«Aýdarmashylardyń aıy ońynan týady» - respýblıkalyq basylymdarǵa sholý

ASTANA. 8 aqpan. QazAqparat - Qazaq aqparat agenttigi respýblıkalyq basylymdarda 8 aqpan, sársenbi kúni shyqqan ózekti materıaldarǵa sholýdy usynady.

***

«Egemen Qazaqstan» basylymynyń jazýynsha, Premer-Mınıstr Kárim Másimovtiń tóraǵalyǵymen ótken keshegi Úkimet otyrysynda Kentaý qalasyndaǵy jylý ortalyǵyndaǵy jaǵdaı shuǵyl túrde qaraldy. Qazir munda qazandyqtar solıarkamen jumys istep tur. Mazýt kelip jetisimen olar sol otyn túrine qaıtadan kóshiriletin bolady.Jylytý qazandyǵyndaǵy oqı­­ǵa saldarynan qaladaǵy kóp­tegen úılerde tempera­tý­ra tó­mendep ketken bolatyn. Qazir ol 13 gradýs deńgeıinde. Keshke qaıta qalpyna keletin bo­lady.Úkimetpen ınteraktıvti baı­la­nys jasaǵan Ońtústik Qazaq­stan oblysynyń ákimi Asqar Myrzahmetov qazirgi kúni jóndeý jumystarynyń júrip jatqan­dy­ǵyn, qalada keshke deıin jaǵdaı qaıta qalpyna keletindigin málimdedi. Bul týraly «Egemen Qazaqstan» basylymynyń búgingi sanyndaǵy «Jumyspen qamtý jaıy qalaı?» atty maqaladan oqyńyzdar.

 Sondaı-aq atalmysh basylym búgingi sanynda Májilis depýtaty, ekonomıka ǵylymynyń kandıdaty Jeksenbaı Dúısebaevtyń «Qazaqstannyń qýattylyǵy-óńirlerdiń qýattylyǵy» atty maqalasyn basty. Ǵalymnyń aıtýynsha, aımaqtardyń jaǵdaıy jaqsarmaı, elimiz órkendemeıdi. Ár óńirdiń ózindik erekshelikteri, ekonomıkalyq múmkindikteri bar. Tabıǵı jaǵdaıyna beıimdelgen aýyl sharýashylyǵy ónimderi óndiriledi jáne sol óńirde shyǵarylatyn shıkizatty óńdeý úshin óndiris oryndary ornalasqan. «Elbasy Úkimetke ár aımaqtyń ereksheligin eskere otyryp, damytýdy tapsyrdy. Óńirlerdiń ınfraqurylymyn joǵary deńgeıge kóterý qajet. ıAǵnı óńirlerdi taza sýmen, jetkilikti elektr energııasymen qamtý, kommýnaldyq sharýashylyq jumysyn jolǵa qoıý - birinshi kezektegi mindet»,-deıdi halyq qalaýlysy «Egemen Qazaqstan» basylymynyń búgingi sanynda jarııalanǵan maqalasynda.

***

«Aýdarmashylardyń aıy ońynan týady». «Aıqyn» basylymynyń búgingi sanynda osyndaı taqyryppen shaǵyn materıal basyldy. Onda dástúr boıynsha kadr agenttikterine túsken túıindemelerge saraptama jasaǵan «Mojazarplata.kz» portaly eń kóp suranysqa ıe mamandyqtardyń úzdik ondyǵyn jarııa etkendigi aıtylady. Bul oza shapqandardyń ortasynan qazaq tilinen aýdarma jasaýshylar oıyp oryn alǵan. Demek, ult tilin meńgergender úshin - jumys qaı ýaqytta da tabylady degen sóz... Qyzyǵy, kópshilik qajet etetin mamandyqtar tizbesinde - sırek tabylatyn qyzmetter atymen joq. Eldiń ǵylymı-óndiristik áleýetiniń tereńdeýine qaraı, birqatar kadr agenttikteri genetıka, mıkrobıologııa syndy aýyr salalarǵa degen suranys artady dep boljaǵan edi, alaıda bul boljam aqtalmady.

 Osy basylymnyń jazýynsha, álemde ymyrt úıirilip, aınalaǵa kúızelistiń qoıý tumany jaıyla bastaǵandaı. Boljamshylar qazir «pessımıstik stsenarıılerin» jazýda, oǵan sensek, daǵdarystyń alaı-dúleı talaı jyl soqqan daýyly jer betiniń bereketin ketirip, sońynan qulazyǵan qalalar men qulaǵan memleketterdi qaldyrýy ǵajap emes. Sóıtip, ǵasyrdyń orta sheninde álemdik qurylymnyń múldem jańa sıpat alýynyń alǵysharty jasalmaq eken. Dáýirdiń súzgisinen sanaýly memleketter ǵana qazirgi tutastyǵyn saqtap, ótetin kórinedi.
Batystan soqqan «sýyq jeldiń» yzǵaryn bizdiń elimiz de sezýde. Ásirese, qarjylyq sektordyń «baqshasyn sýyq ura» bastady: shetelden qaryzǵa qarjy alý qıyndap ketken. Bul másele jóninde «Aıqyn» basylymynyń búgingi sanyndaǵy «Qazaq eli áli-aq «A» bıiktigin baǵyndyrady!» atty maqaladan egjeı-tegjeıli bilýge bolady.

***

«Alash aınasy» basylymynyń jazýynsha, úkimettik deńgeıde júrgizilgen kelissózderdiń negizinde bıyl elimizde jol talǵamaıtyn kólik jasap shyǵarylatyndyǵy ótken qarasha aıynda belgili bolǵan. Osy iske muryndyq bolyp otyrǵan otandyq iri avtoóndiris nysany - «AgromashHoldıng» taıaýda tek qana jol talǵamaıtyn emes, sonymen qatar jeńil avtokólikterdi de jasap shyǵarýǵa ázir ekendikterin málimdedi. «Osy jaǵynan alǵanda, taıaý arada qazaqstandyqtarǵa ózgeniń emes, ózimizdiń óndirisimizdegi avtokólikti tutynýǵa múmkindik berilmekshi»,-dep jazady basylym. Bul týraly «Alash aınasy» basylymynyń búgingi sanyndaǵy «Otandyq avtokólik qurastyrý óndirisi qanatyn keńge jaıa ala ma?» atty maqalada.

***

«Kazahstanskaıa pravda» basylymynyń jazýynsha, «Jumyspen qamtý-2020» baǵdarlamasynyń shapaǵaty bıyl 200 myń qazaqstandyqqa tıgeli otyr jáne bul tek kadr máselesin ǵana qamtymaıdy. Baǵdarlama aıasynda elimizdiń aýyldyq aımaqtarynda turatyn kásipkerlerge de qoldaý kórsetiledi dep kútilýde. Sonymen qatar atalmysh baǵdarlama eldegi eń kóp suranysqa ıe bolyp otyrǵan mamandarǵa degen zárýlikti joıýǵa yqpal etedi. Ótken «Jumyspen qamtý -2020» baǵdarlamasy alǵash júzege asyrylǵan jyl boldy. Atalmysh baǵdarlamanyń nátıjeleri keshe Úkimet otyrysynda talqylandy. Ol týraly tolyq málimetterdi bilgińiz kelse, «Kazahstanskaıa pravda» basylymynyń búgingi sanyndaǵy «Vopros kadrovyı, pervostpennyı. Programma zanıatostı - 2020: ıtogı proshlogo goda ı novovvedenııa» atty maqalany oqyńyz.