Aýdaryspaqtan ulttyq quramanyń barlyq sportshysy fınalǵa shyqty

<p>ASTANA. KAZINFORM &ndash; Elimizdiń ulttyq quramasy aýdaryspaqtan tolyqtaı aqtyq synǵa ótti.</p>

Aýdaryspaqtan el namysyn fınalda Esimhan Rahmatillá (90 keli), Syrym Іzbasarov (100 keli) jáne Birjan Qosalıev (+100 keli) qorǵaıdy. Aqtyq syn saǵat 16:00-de bastalady.

Aıta ketsek, aýdaryspaqtan alǵashqy jarys kúninde 60 kelide Ermek Quralbaı, 70 kelide Almat Látipbek jáne 80 kelide Daryn Ótkelbaı altyn medal aldy. 

Al búgin qazaq sportshysy qarsylastaryn 5 sekýndta utyp shyqty. 100 keliden joǵary salmaqta el namysyn qorǵap jatqan túrkistandyq Birjan Qosalıev qarsylastaryn az ýaqyttyń ishinde utyp, aqtyq synǵa joldama aldy. 

Odan bólek, otandastarymyz «Túrki» stılinde jamby atýdan baq synap jatyr.