Aýdaryspaqtan qazaqstandyq úsh sportshy fınalǵa ótti

<p>ASTANA. KAZINFORM &ndash; Dúnıejúzilik kóshpendiler oıyndary aıasynda aýdaryspaqtan jarys ótip jatyr. Etnoaýylda ótip jatqan dúbirli dodany kórýge jınalǵandardyń qarasy kóp.&nbsp;</p>

Aýdaryspaq oıyndaryna 9 elden 64 oıynshy qatysýda. Onyń qatarynda Qazaqstan, Qyrǵyzstan, Ózbekstan, Mońǵolııa, Reseı, Qytaı, AQSh, Túrkııa jáne Vengrııa bar. 

Foto: Dáýlet Іztileý

«Tústen keıin ótetin aqtyq synǵa Qazaqstannan úsh sportshy joldama aldy. Olar – Ermek Quralbaı (60 keli), Almat Látipbek (70 keli) jáne Daryn Ótkelbaı (80 keli). Jalpy aýdaryspaq boıynsha qazaq jáne qyrǵyz komandasy myqty sanalady», - dedi aýdaryspaq sportynan Qazaqstan quramasynyń bas baspkeri Janbatyr Bımusaev. 

Aıta keteıik, búgin 9 qyrkúıek kúni Astana qalasynda V Dúnıejúzilik kóshpendiler oıyndaryna qatysýshy sportshylar 7 sport túrinen synǵa túsip jatyr. 

Buǵan deıin kókpardan alǵashqy salymdy qazaqstandyq kókparshylar salǵanyn habarlaǵan edik.