Aýdandar mindetti áleýmettik medıtsınalyq saqtandyrýdy júzege asyrýǵa daıyn - Qostanaı oblysy
Depýtattar alǵashqy medıtsınalyq-sanıtarlyq kómek kórsetý júıesimen jáne statsıonardyń jumys jaǵdaıymen tanysty.
Aýrýhana qyzmetkerlerimen jáne patsıenttermen áńgimelesý barysynda mindetti áleýmettik medıtsınalyq saqtandyrýǵa kóshý máseleleri túsindirildi.
Ambýlatorııalyq negizde emdelip júrgen naýqastardy tegin dári-dármekpen qamtamasyz etý júzdesýdiń jeke taqyryby boldy.
Aýrýhananyń bas dárigeri depýtattardy halyqqa qyzmet kórsetýdi tsıfrlandyrýdyń barlyq kezeńderimen tanystyrdy.
Parlamentshiler ortalyq aýdandyq aýrýhananyń medıtsınalyq qyzmetkerleri mindetti áleýmettik medıtsınalyq saqtandyrýdy engizýge tolyq daıyn ekendigine senim bildirdi.
Sondaı-aq búgin senator, Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkov aımaqtarǵa sapar aıasynda Talǵar aýdanynda birqatar kezdesýler ótkizdi.
Aýdan ákimi Jolan Omarovpen jáne «Qazavtojol» ókilderimen kezdesý barysynda respýblıkalyq mańyzy bar Almaty-Talǵar-Evgenevka avtomobıl jolyn jańartý jáne keńeıtý máselesi boıynsha depýtattyq saýaldyń oryndalý qorytyndysy qaraldy.
Polıtsııa basqarmasynyń jeke quramynyń qatysýymen ótken semınar - keńeste senator quqyq qorǵaý organdary júıesinde júrgizilip jatqan jańa reformalar týraly aıtyp, ІІM reformasyna úsh jyl ishinde 1,73 mlrd teńge bólinetinin habarlady. Sharaǵa qatysýshylar quqyq qorǵaý júıesin odan ári reformalaýǵa qatysty basqa da birqatar máselelerdi talqylady. Kezdesý barysynda kadrlardyń, ásirese ýchaskelik polıtsııa ınspektorlarynyń jetispeýshiligi sııaqty problemalyq máseleler kóterildi. Osyǵan baılanysty halyq sanyn eskere otyryp, shtat sanyn qysqartýdyń ońtaıly júıesin pysyqtaý qajettigi, sondaı-aq polıtsııa ǵımaratynyń qanaǵattanǵysyz jaǵdaıyna nazar aýdarý kerektigi aıtyldy.
Sol kúni ortalyq aýdandyq aýrýhananyń dárigerlerimen de kezdesý boldy. Senator aýrýhanadaǵy ózekti máselelerimen tanysty. Jedel járdem brıgadalarynyń 2 jáne odan da kóp saǵatqa deıin keshigýine baılanysty turǵyndardyń shaǵymdaryn eskere otyryp, ákimshilik jedel járdem qyzmetin aýdandyq aýrýhananyń qaramaǵyna qaıtarý máselesin qarastyrýdy ótindi. Sondaı-aq ortalyq aýrýhananyń materıaldyq-tehnıkalyq jabdyqtalýyna qatysty jaǵdaılar, onyń ishinde mundaǵy park 4 jyldan beri jańartylmaǵany aıtyldy. Mindetti áleýmettik medıtsınalyq saqtandyrý júıesin engizý máselesi, onyń ishinde turǵyndar arasynda habardar etý jumystarynyń jetkiliksizdigi qozǵaldy. Kezdesýde sondaı-aq Qazaqstan Respýblıkasynyń Densaýlyq saqtaý salasyn damytýdyń 2020-2025 jyldarǵa arnalǵan jańa memlekettik baǵdarlamasy talqylandy, dárigerlerdiń pikirinshe, bul salada kóptegen máseleler bar.
Parlamentshiler oblystyq kásipodaq uıymynyń qyzmetimen tanysty
Al Jambyl oblysynda jumys saparymen júrgen senatorlar Muratbaı Joldasbaev, Qaırat Qojamjarov jáne Abdaly Nuralıev oblystyq kásipodaq uıymynyń basshylyǵymen jáne múshelerimen kezdesti.
Kezdesýde ujymdyq sharttar, qyzmetkerlerdiń qaýipsizdigi, eńbekti qorǵaý, shaǵyn jáne orta bıznesti qoldaý men jalaqy máseleleri talqylandy.
Parlamentshiler Qazaqstan Respýblıkasynyń densaýlyq saqtaý, bilim jáne ǵylym salasyn damytýdyń 2020-2025 jyldarǵa arnalǵan memlekettik baǵdarlamalarynyń negizgi erejelerin túsindirdi.
Búgingi tańda oblystyq kásipodaqtar birlestigine 120 myńnan astam adam múshe bolyp otyr. Aımaqtaǵy 15 salalyq kásipodaq uıymdarynda 1300-den astam bastaýysh uıym jumys isteıdi.
Depýtattar «Talas Investment Company» seriktestiginiń qyzmetimen de tanysty. Kásiporyn 570 adamdy jumyspen qamtamasyz etedi, olardyń negizgi bóligi jergilikti turǵyndar bolyp tabylady.
Sondaı-aq Talas aýdandyq ortalyq aýrýhanasy men «Qazfosfat» ujymdarymen de kezdesýler boldy.