Aýdan ákimderi jyl saıyn 100 jumys ornyn qurýǵa mindetteledi
11:19, 15 Aqpan 2022
NUR-SULTAN. QazAqparat – Búgin Úkimet otyrysynda QR Premer-Mınıstri Álıhan Smaıylov jumys oryndaryn esepke alý júıesin engizý boıynsha usynystar ázirleýdi tapsyrdy, dep habarlaıdy QazAqparat tilshisi.
Álıhan Smaıylov Memleket basshysynyń tapsyrmasy boıynsha jyl saıyn árbir 10 myń turǵynǵa keminde 100 jumys ornyn qurý ákimderdiń mindeti bolyp belgilengendigin atap ótti.
«Ulttyq ekonomıka mınıstrligi Esep komıtetimen jáne Strategııalyq josparlaý agenttigimen birlesip, eki apta ishinde Úkimetke osyndaı jumys oryndaryn esepke alý júıesin engizý boıynsha usynystar engizsin»,- dedi Premer-Mınıstr.
Esterińizge sala ketsek, ótken aptada bolǵan Úkimettiń keńeıtilgen otyrysynda QR Prezıdenti Qasym-Jomart Toqaev aýdan ákimderine jyl saıyn árbir 10 myń turǵyn úshin keminde 100 jumys ornyn ashýdy mindettegen jón ekenin aıtqan bolatyn.