Aýa sapasy nasharlaǵan qalalar sany artty

<p>ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııa etti.</p>

— 2024 jylǵy 2 jeltoqsanda Astana, Almaty, Qyzylorda, Aqtóbe, Atyraý, Pavlodar, Qostanaı qalalarynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin 6 qalada aýa sapasy nasharlaǵany anyqtaldy. Bir qyzyǵy neshe kún boıy tútin basqan Óskemen qalasy osy joly aýa sapasy nashar qalalar qatarynan kórinbeıdi.