Aýa raıynyń ońalýyna baılanysty birqatar oblysta jol bólikteri ashyldy

QOSTANAI. QazAqparat – Qostanaı oblysynyń tasjoldarynda kólik qozǵalysy qalpyna keltirildi, dep habarlaıdy QazAqparat.

Qostanaı oblysynda 10:30-dan bastap «Ekaterınbýrg-Almaty» tasjolynyń 555-686 shaqyrymynda, Tobyl qalasy-Sarykól aýyly aýmaǵynda kólik qozǵalysyna ruqsat etildi.

Sondaı-aq, saǵat 12:00-den bastap Qostanaı oblysynda tómendegi jol bólikteri ashyldy:

1.«Denısovka-Arshaly-Tavrıchenko-Komarovka» tasjolynyń 0-96 shaqyrymy, Denısovka aýyly – Komarovka aýmaǵy

2.«Mamlıýtka-Qostanaı» tasjoly, 180-250 shaqyrym, Uzynkól aýyly-Soltústik Qazaqstan oblysynyń shekarasy aýmaǵy

3. «Marsınovka aýylyna kireberis» 0-9 shaqyrymy

4. «Jitiqara-Chaıkovskıı» tasjoly, 0-27 shaqyrym 5. «Qostanaı-Áýlıekól-Sýrgan» tasjoly, 219-232 shaqyrymy, Oktıabrskoe aýyly-Aqmola oblysynyń shekarasy aýmaǵy

Odan bólek, 14:00-den bastap «Nur-Sultan qalasy-Şýchınsk qalasy» jáne «Nur-Sultan qalasy-Temirtaý qalasy» tasjoldarynyń aqyly bólikteri ashyldy.